Ужтэк пукисьёслэн лыдзы кулэсмиз

Республикаысь семья, ужъя но калыкез улонын утёнъя министрлэн воштӥсез Юрий Мельников вера: «Россилэн Президентэз Владимир Путин ужтэк кылемъёслэсь лыдзэс кулэсмытон сярысь ужпум пуктӥз вал. Сое быдэстыны пӧрмиз «Регулирование рынка труда и содействие занятости населения» кун программаен сэрен».

Башкириын 10 толэзь куспын калыкез ужен тырмытонъя центръёс пыр 82,2 сюрс адями уже интыямын. Со 1,5 поллы тросгес, кылем арысь та дырен ӵошатон дыръя. Уже интыяськемъёс пӧлысь 2,1 сюрсэз – инвалидъёс.

Уж утчасьёс пӧлысь тямыс сюрсэз дышетскыны мылкыд кариллям. Калыкез ужен тырмытонъя центръёс та ӧръя но пыр-поч ужазы. 6,3 сюрс адями общественной ужъёсы кыскемын, 4,6 сюр адямилы ужбергатон удысэ вамыш лэсьтыны, асьсэ ужзэс усьтыны мылкыд карисьёслы (125 адями) коньдон юрттэт возьматэмын но мукет.