+1 °С
Салкым
Антитеррор
Вань иворъёс
Нацпроекты
4 Октябрь 2021, 16:25

Башкортостанын тямыс толэзь куспын 1,7 млн кв.м. улон инты вуттэмын

#региональныепроекты#регпроекты#нацпроектыБашкортостан

Башкортостанын тямыс толэзь куспын 1,7 млн кв.м. улон инты вуттэмын
Башкортостанын тямыс толэзь куспын 1,7 млн кв.м. улон инты вуттэмын

Башстатлэн лыдпусъёсызъя, туэ январь-август толэзьёсы 1776,5 сюрс.​ кв.​ метръем  22,7 сюрс квартираосы потӥзы. Кылем арен ӵошатыса, выль улон интыослэн быдӟалазы 22%-лы будӥз. 1000 адямиез лыдэ басьтыса, соослы котькудӥзлы 441​ кв.​ м. улон инты дасямын.

- Оскисько, туэ но кылем арлэсь бере ум кыле (2020-тӥ арын 2,4 млн кв.м. улон инты вуттэмын). «Жильё» национальной проектлэн лыдпусэзъя 2,2 млн кв.м. гинэ ке но луыны кулэ – ивортӥз  БР-ысь ӝутӥськонъя но архитектурая министрлэсь ужзэ быдэсъясь Егор Родин.​ 

Лэсьтоно ужпумъёс пӧлы пыро «Семейная ипотека» программаез азьланьтон. Со 2023-тӥ ар бырытозь улон инты басьтыны яке корка ӝутыны  ог арлы 6%-эн льготной ставкая кредит басьтыны луонлык сётэ.
Тодады вайытӥськом, туэ 1-тӥ июльысен Владимир Путинлэн куременыз программалэн луонлыкъёсыз паськытазы. Табере кредит басьтыны быгатозы 2018-тӥ арын 1-тӥ январь бере вордскем одӥг нылпиен семьяос. Нырысетӥ взнос луоз улон интылэн 15%-эз. Башкортостанлы та сумма 6 млн манетлы ӵошалоз.

 

Автор:Анна Байдуллина
Читайте нас: