Башкортостанын улӥсьёс тодон-валан басьто

Башкортостанысь 500 адями финансовой грамотностья тодон-валанзэ «Демография» нацпроект улсын радъяськем семинаръёсын узырмытӥз.

Семинаръёс ортчытонлы сӥзем программа кылем сӥзьылысен ужа. Сое Башкортостанысь Семьяя, ужъя но калыкез улонын утёнъя министерство радъя.

- Адямиос банк услугаосын пайдаяськон амалъёсты мед тодозы, мошенникъёслэн куриказы медаз шеде шуыса, таӵе семинаръёс радъясько, - вера БР-ысь семьяя, ужъя но калыкез улонын утёнъя министрлэн воштӥсез Татьяна Глухова.

Семинаръёсты азьпалан но радъяны чакламын. Берлосез «Торговый дом «Башторгтехника» ООО-ын ужасьёс но шоркарысьтымы ужбергатӥсьёс понна радъяськиз.