Кушнаренковоын компьютерной клуб усьтозы

Со сярысь вераськизы «Предпринимательский час» пумиськонын. Со «Малое и среднее предпринимательство и поддержка индивидуальной предпринимательской инициативы» нацпроект улсын радъяське.

Кушнарено ёрос администрациен кивалтӥсьлэсь ужзэ быдэсъясьлы Руслан Гизатуллинлы компьютерной клуб усьтон сярысь аслэсьтыз малпанзэ вераз егит ужбергатӥсь. Компьютерной клуб адямиослы юрттэт луоз. Трос дыръя ёрос центре уж муген вуэм гурт калык ужкагазъёсты распечатать каронэн, электрон почта пыр гожтэтъёс лэзёнэн шугъяське. Соку дыръя тупась салон утчано луэ.

Ужбергатӥсьлэн малпанэзлы ёрос кивалтэт дурбасьтӥз.