+1 °С
Лымы
Антитеррор
Вань иворъёс
Нацпроекты
9 Куарусён 2021, 09:40

Дышетонъя центръёс: выль луонлыкъёс, выль вормонъёс

Башкортостанысь 382 школаосын «Точка роста» дышетонъя центръёс кылдытэмын. Туэ дышетскон арын 207 центръёс усьтӥськизы. Татышлы ёросысь Арибаш школа но выль дышетскон арын пиналъёссэ «Точка роста» центрен пумитаз.   #региональныепроекты#регпроекты#нацпроектыБашкортостан

Дышетонъя центръёс: выль луонлыкъёс, выль вормонъёс
Дышетонъя центръёс: выль луонлыкъёс, выль вормонъёс

Россиын «Образование» национальной проект быдэстӥське. Нацпроектлэн «Современная школа» федерал программаез улсын гуртъёсысь но пичи городъёсысь школаосын «Точка роста» дышетонъя центръёс усьтӥсько.

Башкортостанысь 382 школаосын «Точка роста» дышетонъя центръёс кылдытэмын. Туэ дышетскон арын 207 центръёс усьтӥськизы. Татышлы ёросысь Арибаш школа но выль дышетскон арын пиналъёссэ «Точка роста» центрен пумитаз.

Дышетонъя центрез усьтон ужрадэ Арибаш школаысь дышетӥсьёс, бадӟым классъёсын дышетскисьёс, Татышлы ёрос администрациен кивалтӥсьлэн ӝутӥськонъя но ЖКХ-я воштӥсез Альфит Мустафин, Вылысь Татышлыысь нылпи творчествоя центрысь методист Алевтина Хайбуллина, Кудаш гурт поселенилэн администрацияз ужась Наиля Башарова пыриськизы. Ужрадэ лыктэмъёс дышетскисьёслы но школаын ужасьёслы выль вормонъёс, азинсконъёс сӥзизы. Соос пусйизы, «Точка роста» пиналъёслэсь творческой быгатонлыкъёссэс азинтонын, тодон-валанзэс узырмытонын валтӥсь инты басьтэ шуыса.

Дышетонъя центрын «Химия», «Биология», «Физика» предметъёсъя программаос быдэстӥсько. Татын дышетскисьёс выль компьютеръёсын, 3D принтеръёсын, квадрокоптеръёсын но мукет туала техникаосын ужалозы.

- «Точка роста» центръёс гуртысь нылпиос ӟеч тодон-валан мед басьтозы, соос туала улонлэсь бере медаз кыле шуыса кылдытэмын, - вера школаен кивалтӥсьлэн учебно-воспитательной ужъёсъя воштӥсез Клара Гараева. – Оскисько, пиналъёсмы, дышетӥсьёсын ӵош ужаса, трос выльзэ тодозы, вормонъёс басьтозы.

Арибаш школаын дышетонъя центрен кивалтӥсе быръемын покчи классъёсты дышетӥсь Татьяна Воробьева. Тодон-валанлэн нуналаз «Точка роста» центръёс Татышлы ёросысь Выль Татышлыысь, Кальтяевоысь школаосын но усьтӥськизы.

Автор:Миляуша Булатова
Читайте нас: