Янаул ёросын спортсменъёсты, физкультурая дышетӥсьёсты, тренеръёсты но тазалыко улонэн эшъяськисьёсты ӟечкылазы

14-тӥ августэ Янаул ёросын Физкультурниклэн нуналэзлы сӥзем бадӟым ужрад ортчиз. Со спортсменъёсты, физкультурая дышетӥсьёсты, тренеръёсты но тазалыко улонэн эшъяськисьёсты огазеяз. Соосты Янаул ёрос администрациен кивалтӥсь Ильшат Вазигатов ӟечкылаз.

Та нуналэ гурт поселениос пӧлын радъяськем спартакиадалы но йылпумъянъёс лэсьтӥзы. Отын нырысетӥ интые потӥз Сандугач гурт поселение. Кыкетӥ интыын луиз Вуж Вараш гурт поселение, куинетӥ – выль артаулъёс. Нош «Готов к труду и обороне» физкультурно-спортивной комплексэз сётонын гурт школаос пӧлын Шудекысь дышетскон юрт кыкетӥ интыын луиз.  

Спорт праздник пӧртэм ӵошатсконъёсын йылпумъяськиз. Мылкыд карисьёс армспортын, гиря ӝутканын, мини-футболэн шудонын, капчи атлетикаын но спортлэн мукет видъёсаз кужымзэс эскеризы.

Тодады вайытӥськом: Башкортостанын «Демография» национальной проект улсын «Спорт – норма жизни» федерал проект быдэстӥське.

Туспуктэм:МАУ ФиС "Юность" г.Янаул