Калыкен ӵош бадӟымесь ужъёс лэсьто

- Сандугач гурт поселение куать гурт пыре – Арлян, Барабановка, Выль Кирга, Норкан, Рабак, Сандугач. Тросгес лыдъясько удмуртъёс. Со сяна, гуртъёсын башкиръёс, бигеръёс, поръёс, ӟучъёс уло. Соос пӧлын эшлыко кусыпъёс юнмамын, - вера Тимерзян Шаримзянович. – Котькуд гуртлэн аслаз сюлмаськонъёсыз. Соосты быгатэммыя сэрттыны-пертчыны тыршиськом. Берло дыре калыклэсь но юрттэт шӧдӥське. Кылсярысь, туэ Рабакын Быдӟым Атыкай оже пыриськемъёслы, нимысьтыз военной операциын быремъёслы обелиск лэсьтӥм. Та уж калыклэн кужыменыз, парсь вордон комплекслэн спонсор юрттэт возьматэменыз быдэстӥськиз.

Гурт калык понна одӥгез валтӥсь ужпум – со сюресъёс. Сандугач гурт поселениын соосты тупатонлы но саклык висъяське. «Туэ Барабановкаысь Школьной но Заречной урамъёсты, Сандугачысь Дюртюлинской ульчаез лэсьтӥм – щебень киськамы. Татын коньдонэн юрттӥз ёрос администрация. Со сяна, сельсоветлы сюрес лэсьтыны висъям коньдонэз уже кутӥм», - вера гурт поселениен кивалтӥсь.

(Быдэсак материал 5 ноябре потэм номерын).