Проектъёс выль уж лэсьтыны юртто

Куеда ёросысь гуртъёсын улӥсьёс но ӵемысь асьсэлэсь проектъёссэс конкурсъёсын ӵекто. Туэ, кылсярысь, конкурсэ пыриськины мылкыд каризы Гожанын но Киргаын улӥсьёс. Гожанъёслэн «Уютный уголок» проектсы (кык урамъёслэн вайвожазы интыяськем шутэтскон площадкае кенер кутон) но киргаослэн тренажёръёсын спортивной площадка ӝутон проектъёссы шаер конкурсын вормисьёс пӧлын луизы. Озьыен, вуоно арын та удмурт гуртъёсын бадӟым ужъёс борды басьтӥськозы.

Туспуктэм вылын: Гожанын площадка усьтон уджрадын.

Фото: Гожанский сельский клуб