Татышлы ёросысь Уразгильды гуртэ нылпи площадка усьтӥськиз

170000 манет тыр спорт инвентарез гуртысь ожын быремъёслы обелиск вӧзы интыязы. Сое люканы, интыяны юрттӥзы гуртысь пиналъёслэн анай-атайёссы. Нылпи площадкаысь туннэысен калык уз быры. Гуртысь нылпиос но, каникулэ бертэмъёс но валазы ни, кыӵе татын умой. Площадкаез усьтон церемоние люкаськизы нылпиос, анай-атайёссы. Ӟечкылан кылэн вазиськиз Выль Татышлы гурт поселенилэн тӧроез Николай Рахимьянов. Бӧрысь люкаськемъёс обелиск доры сяськаос понӥзы. Гуртын улӥсьёс нылпи площадкаез мукет интые пуктон сярысь мылкыдзэс веразы вал. Оло, шонер малпан, дыр, со. Обелиск дорысь нылпи площадка пичиосты калыкмылэн историеныз тунсыкъяськыны, ожын быремъёсты сӥлы карыны, патриотической мылкыдзэс бугыртыны юрттоз.