Туэ но проектэ пыриськыны кенешизы

Нырысетӥ кенешонын ик гурт калык инициативной группалэсь ёзчиоссэ бырйиз. Соос вакчи дыр куспын анкетирование радъязы: адямиос соосты тужгес сюлмаськытӥсь ужпумъёссэс пусйизы. Толшор толэзьын ППМИ-лы сӥзем йылпумъян собраниос радъяськизы. Соосты нуизы Кудаш гурт поселенилэн администрациеныз кивалтӥсь Азат Габсалямов но инициативной группаен кивалтӥсь Виктория Гарифуллина.

Калыкен пумиськон чылкыт омырын ортчиз. Кенешонэ пыриськисьёслы ческыт пыжиськемъёсын чай юон радъямын вал. Арибашъёс «Приобретение мобильного пожарного комплекса для д. Арибаш МР Татышлинский район РБ» проект понна куара сётӥзы.  Гуртысь ужбергатӥсьёс спонсор юрттэт возьматыны оскытӥзы. Нылпи садын ужасьёс, ППМИ-лы сӥзьыса, пиналъёслы «Огонь – наш друг, огонь – наш враг!» ужрад ортчытӥзы. Ми оскиськом, проектын вормисьёс пӧлын луомы шуыса. 

Римма Халиуллина, Арибаш нылпи садысь воспитатель.