Финн-угор калыкъёслы сӥзем проект быдэстӥське

Соин Башкортостанысь «Самырык» («Молодое поколение») егитъёслэн пор огазеяськонзылэн интыысь ёзэтэз Янаул ёросын пӧртэм ужрадъёс, конкурсъёс радъя. Алигес фотосъёмкаен гуртъёсы потазы, финн-угор семьяосын пумиськыса, йӧскалык дӥськутэн туспуктэмъёс лэсьтӥзы.  

Фотосъёмказы тунсыко пӧрмиз Максим, Каймашабаш, Шудек гуртъёсын. Проектэз радъясьёс удмурт калыклэн лулчеберетэныз тодматскизы. «Проектэ Максимысь 17 адями пыриськиз. Тужгес пичиезлы укмыс толэзь, тужгес арлыдоезлы – 86 арес. Максимын усто туспуктэмъёс лэсьтӥм шуыса, ми туж шумпотӥм. Милемыз удмурт гуртын туж шуныт пумитазы», - гожто проектэз радъясьёс.

Каймашабаш гуртын ортчем фотосъёмкае 19 адями пыриськем. Ужзэс радъяны юрттэмзы понна, проект бордын ужасьёс тау каро Ольга Давлетовалы но Лариса Миншараповалы.