Ӟуч городын удмурт йылолэз возьматӥзы

Семьялы сӥзем ужрад пӧртэм калыкъёсты огазея. Туэ со Бадӟым но эшлыко семьялэн, Калыкъёслэн огъя луон арзы улсын ортчиз. Отчы республикаысь историяя но культурая центръёс но пыриськизы. Соос калык лулчеберетэз яркыт возьматӥзы.

Удмуртъёслэн ИКЦ-зы «Быдӟымнал куриськон» йылолэз дасяз. Сое учкыса, ужрадэ вуэмъёс вашкала улонэ огдырлы берытскизы, шуыны луоз. Шумпотымон, одӥг нуналэ городын пӧртэм калыкъёслэн сям-йылолъёссы, кылзы одӥг тугокое биниськизы, выль эшъяськон выжъёс кылдӥзы.

Фото: Удмуртский историко-культурный центр