Удмурт гуртын выль клуб усьтӥськоз

Бадӟым Туганеевоысь калык ас азяз пуктэм ужзэ котьку но йылаз-пумаз вуттыны быгатэ. Трос аръёс ӵоже туганеевоос вуж юртын концертъёс но мукет ужрадъёс радъяллязы. Тол куазен аръёсын «жугем» клуб чидантэм кезьыт луылӥз. Соку гуртоос одно ик  культуразэс азинтӥсь выль юрт пуктыны малпазы. Ужзэс улонэ пыӵатыны ППМИ проект юрттӥз.

Туннэ нуналэ туганеевоос клубзэс усьтон ужрадлы дасясько. Ӵошен соос выль юртсэс буяло, тазато. Ӝоген Бадӟым Туганеевоын выль клуб усьтӥськоз. Отчы гуртоос гинэ ӧвӧл, мукет палась куноос но шумпотыса вуыны быгатозы.

Фото: Большетуганеевский сельский клуб