Ёросын этнофестиваль ортчиз

Ёросысь школаосын дышетскисьёсты, нылпи садэ ветлӥсьёсты, семья коллективъёсты но 18 ареслэсь бадӟым луись кырӟась-эктӥсьёсты, ас калыксылэсь сям-йылолъёссэ тодӥсьёсты но котьма ласянь кибашлы луисьёсты йылоллы пӧрмем ужрад одӥг интые люказ.

Этнофестивале пыриськисьёс «Вокальный номер», «Хореографический номер», «Народное инструментальное исполнение», «Реконструкция праздников и обрядов», «Ремесло и предметы быта» конкурсъёсын асьсэды эскеризы.

Та нуналэ сцена вылын удмурт лулчеберетэз но паськыт возьматӥзы. Арлы быдэ сямен ик, туэ но Вуж Варашысь но Каймашабашысь удмуртлыкез утисьёс яркыт кизилиен ӝуатскизы.

Вуоно дыре «Наследники традиций» ёрос этнофестивальлэн   йылпумъянъёсыз тодмо луозы, нош  конкурс амалэн радъськись ужрадлэн тужгес но устоосыз гала-концертэ пыриськозы.

Фото: МБОУ СОШ с. Старый Варяш