Тошкуръёс удмурт лулчеберетэн тодматскизы

Сое бускель гуртысь – Тошкурысь – библиотекалэн пичи лыдӟисьёсыз понна радъязы библиотекарь Светлана Миндиярова но клубысь культорганизатор Лидия Пукрокова.

Ужрад удмурт калык дӥськутэн, чеберъяськон арбериосын тодматсконэн кутскиз. Ужрадэз дасясьёс но калык дӥськутъёсын вал. Нылпиос соосты туж сак кылзӥзы, тунсыкъяськыса учкизы.

Книгаосын адӟытон но пиналъёсты удмурт «дуннее» вуттӥз: нылъёс но пиос удмурт пужыосын тодматскизы. Нош берло удмурт калык шудонъёс луизы: куноос шумпотыса шудӥзы «Капка ултӥ потаса», «Кутэн шудон», «Сукыр така», «Валэз быжтӥз кут», «Вумурт» но мукет шудонъёсын. Ужрад бере пиналъёсты ческыт кузьымъёсын шумпоттӥзы.

Фото: Асавская-Сельская-Модельная Библиотека