Вашкала шудонъёс огазеязы пиналъёсты

Котькудзылэн – асьсэлэн лулчеберетсы, сям-йылолъёссы. Соосты утёнлы, вунэм йылолъёсты улӟытонлы, азинтонлы шаерамы трос саклык висъяське. Со улсын ик кылдӥз фольклорлэн сӥзем акция но: 17-тӥ пӧсьтолэзе Фольклорлэн огъя нуналыз пусйиське.

Солы сӥзьыса, Янаул ёросысь Шудекысь культура юртын «Игры наших бабушек» ужрад ортчиз. Отчы гуртысь пиналъёс пыриськизы. Ӧнерчи Ангелина Менгафарова нылъёсты но пиосты удмурт калык лулчеберетэн тодматӥз – вашкала шыкысысь трос пӧртэм арбериос сярысь соос тодӥзы. Собере пиналъёсты шудонъёс витизы. Озьыен, вашкалаез сярысь но тодзы, дырзэс но пайдаен ортчытӥзы, чылкыт омырын тазалыксэс но юнматӥзы.

Фото: Шудекский СДК