Башкортостан Республикаысь удмурт фольклор ансамбльёс фестивале пыриськозы

Туэ фольклор фестивале Башкортостан, Коми, Марий Эл, Татарстан Республикаосысь, Пермь шаерысь, Иркутск, Киров, Курган, Свердловск, Томск, Тюмень, Челябинск улосвылъёсысь, Москва, Санкт-Петербург, Ханты-Мансийск городъёсысь фольклор коллективъёс вуозы.

Крезьгур  ужрадэ Калтасы ёросысь Бадӟым Качак гуртысь «Зангари» калык ансамбль но пыриськоз. Соин гуртысьтызы культура юртын ужрадэ дасяськонъёс ӟырдыт мыно. Угось бадӟым сцена вылын аслад  калыкедлэсь сям-йылолъёссэ, лулчеберетсэ но котыр ласянь узырлыксэ адӟытон капчи уж ӧвӧл.