Гожанын эшъяськон фестиваль ортчиз

Йӧскалык культураослы сӥзем ужрадэ ёросысь тямыс школаос пыриськизы. Вормисе потӥз Бадӟым Гондырысь школалэн командаез.Соос удмурт лулчеберетэн тодматӥзы.

Укмысэтӥ классын дышетскись Арина Идиятуллина, кылсярысь, «Народные традиции и обычаи» ӧрын «Вылькенак пылатон» темая мур пуштросо презентация возьматӥз. Нош покчи классъёсын дышетскисьёс, «Уӵыпиос» ансамбле ветлӥсьёс пӧлысь тужгес пичиосыз, «Гондыр палась ми пиос» кырӟанэз быдэстӥзы. Нош Бадӟым Гондырысь школалэн Кипчакысь подразделенияз дышетскисьёс удмурт калык сиён-юонъёсын тодматӥзы. Анжелика Гаптиева «Вукузё» шудон ортчытӥз.

Пиналъёсты фестивале дасязы В. Садиева, С. Гафетдинова, Т. Идиятуллина, Н. Садиуллина, К. Темирбулатова, Ф. Гарифуллина, Р. Ахметгалиев.

Фото:Медиацентр МБОУ "Большегондырская СОШ"