Шаерамы этнодиктант ортчиз

Туэ со куатетӥ ползэ радъяськиз. "Этнодиктант гожтыны мылкыд карисьёс пӧлын бадӟымъёс но, пичиос но луизы. Туэ диктант Быдӟым вормонлы 80 ар тырмонлы сӥземын вал.Та проектэ республикаысь Калыкъёслэн эшъяськон юртсылэн филиалъёсыз - историяя но культурая центръёс мыло-кыдо пыриськизы, - вера Калыкъёслэн эшъяськон юртэнызы кивалтӥсь Эльмира Саматова. - Таӵе ужрадъёс асьмемыз огазеяло, валче ужаны дышето, кужмогес каро, сям-йылолъёсмес, кылмес утьыны юртто".
Удмуртъёслэн историяя но культурая центрзы Татышлы ёросысь Выль Татышлыысь школаын этнодиктант ортчытӥз. Отчы 9-10-тӥ классъёсын дышетскисьёс пыриськизы. Со сяна, удмурт кылын диктант гожтыны мылкыд каризы "Трезвое село" республика конкурсэ пыриськись Бальзюга гуртын улӥсьёс но. Диктантлэсь текстсэ дасяз ужъя эшмы Анна Байдуллина.

Фото: Удмуртский историко-культурный центр