Удмурт кыл - анай кыл

Со кылэз, калыкез утён понна радъямын.
Анай кыллэн нуналэзлы сӥзьыса, Пермь шаерысь Куеда ёросысь Кипчакысь клубын "Анай кыл-удмурт кыл" ужрад ортчиз.Отчы Барабан, Урада, Гожан, Вуж Шагирт, Кирга, Кипчак гуртъёсысь удмурт ансамбльёс пыриськизы. Ужрадэз усьтыса вераськиз Пермь шаерысь удмурт огазеяськонэн кивалтӥсь Алина Туктагулова. Коллективъёсы пыриськисьёслы со тау кылъёссэ вераз, удмурт кылэз утемзы, сое азинтэмзы понна.
Та ӝытэ клубын удмурт кылын шулдыр кырӟанъёс чузъяськизы, котькин ог-огеныз удмурт кылын вераськиз. Уго ужрадлэн валтӥсь ужпумез луиз анай кылын вераськон, сое утён но нылпиосмылы вуттон.

Фото: "Кипчакский сельский клуб"