Крезьгурен эшъяськисьёсты конкурс огазеяз

Со культурной инициативаосъя президент фонд улсын тямысэтӥ ползэ ортчиз. Туэ конкурс Башкортостанлэн шоркарезлы 450 ар тырмонлы сӥземын вал. Отчы 250-лэсь трос пиналъёс пыриськизы. Бурай, Альшей, Дуван, Иглино, Татышлы, Стерлитамак, Илиш, Хайбулла, Мелеуз ёросъёсысь но Нефтекамск, Благовещенск, Туймазы, Дюртюли, Янаул городъёсысь вуэм конкурсантъёс пӧртэм жанръёсъя быгатонлыкъёссэс возьматӥзы. Татышлы ёросысь искусствоосъя нылпи школаын духовой ёзэтын но калык инструменъёсъя ёзэтын дышетскисьёс но конкурсэ пыриськизы: Улысь Балтачысь Ева Гильмаутдинова, Дарина Кайранова, Мирослав но Вероника Саяфаровъёс, Выль Татышлыысь Андрей Нуриахметов конкурслэн дипломантъёсыз луизы. Соосты дышетӥсьёссы А. Кайранов, О. Марданов но Ф. Кабипянов дасязы.

Фото: Детская школа искусств Татышлинский район