Асавкаос республика фестивале пыриськизы

Ужрад тодмо югдытӥсьлы Габдулла Галиевлы (калыкын сое Батырша нимазы) сӥземын вал. Отчы Асавкаын улӥсьёс, гуртысь библиотекаын, клубын ужасьёс но пыриськизы. Библиотекалэн кичӧлтэмезъя Совето Союзысь Геройлы Ульмас Шакировлы адӟытон дасямын вал. Соин тодматӥз Дарья Шайсламва. Асавкаос мастер-классъёсы, адӟытонъёсы но пыриськизы. Ника Валинурова «Складывание полиэтиленового пакета» мастер-класс возьматӥз. Керттӥськон амалъёсын тодматӥз Лидия Пукрокова, фоамиранлэсь италмас сяська лэсьтыны дышетӥз Эмилия Шагиахметова. Соос котыразы трос калыкез люказы, асьсэлэн быгатонлыкъёсынызы мукетъёсын но люкиськизы.

Этнофестиваль улсын кырын пӧзьтӥськонъя «Ялан ашы» конкурс ортчиз. Отчы Флюза но Фларит Фаткриевъёс  пыриськизы. Соос тыл вылын ӝук пӧзьтӥзы. Ужрадысь пӧзьтӥськись кузпалъёс куинетӥ степенё дипломен бертӥзы.

Фото: Асавская сельская библиотека- музей