Вылысь Тыхтемын удмурт шӧмо ужрад ортчиз

Вашкала дырысен удмуртъёс праздникъёссэс шудонъёсын ортчытъязы. Куд-ог удмурт шудонъёс туннэ нуналозь но возисько. Кылсярысь, «Капкаен шудон», «Палтури» но мукет шулдыръяськонъёсын нылпиос но мылысь-кыдысь кутӥсько.

Удмурт калыклэсь сям-йылолъёссэс утён но туала улонэ пыӵатон вылысь Вылысь Тыхтемысь культура удысын ужасьёс нылпиосты аспӧртэмлыко но удмурт шӧмо ужрадэ люказы. Пиналъёс тодон-валанъёссэс, бызьылыны но ӝог малпаськыны быгатэмзэс возьматӥзы, трос выль шудонъёсын тодматскизы.

Фото: Верхнетыхтемский сельский дом культуры