Музейёс вашкала дыре вутто

Асьмемыз ортчем дыре берыкто музейёс. Отын возисько калыкмылэн, шаермылэн историез. Музее пырыса, ортчем дыре шедьыны луэ.

Пермь шаерысь Куеда ёросысь Гожанын улӥсьёс но табере гуртысьтызы клубе вуыса, ортчем аръёсы вуылыны быгато. Татын пичи музей ужаны кутскиз. Со гуртлэн азинскем сюресэныз, калык дӥськутъёсын, ужан тӥрлыкъёсын, сям-йылолъёсын тодматэ. Кызьы ивортэ вк вотэс бамаз клубысь культорганизатор Людмила Шаяхметова, пичи музейын нылпиос понна ужрадъёс ортчытэмын ни. Музее пырыса, вашкала удмурт корка шедиськод кадь. Азьланяз татчы гур пуктыны чакламын. Экскурсие лэктэмъёс удмурт калыклэсь вашкала улон шӧмзэ мед шӧдозы.

Фото: Гожанский сельский клуб