Отчы Татышлы ёросысь Калмиярысь, Петропавловкаысь кырӟаны усточиос но пыриськизы. Учкисьёс сцена вылэ потӥсьёсты шуныт пумитазы, кужмо кичабонъёсын келязы. Та нуналэ тулыс, вордскем шаер, тупаса улон, эшъяськон но яратон сярысь шулдыресь крезьгуръёс, кырӟанъёс чузъяськизы.
Башкортостанысь удмуртъёслэн огазеяськонзылэн ужаз азинлыко пыриськись Лидия Пукрокова концерт пумысен малпанзэ вк вотэс бамаз гожтэ: «Туж чебер, шулдыр концерт вал. Гурт калыклэн нимыныз бадӟым тау шуисько. Тӥ сьӧры итӥськыса, ми но каллен кырӟаса пукимы, сюлмысьтымы киосмес чабимы, гань-гань ял каримы. Шуд, тазалык тӥледлы, котьку таӵе задор мылкыдо, жингрес куараё мед луоды, семья куспады татулык. Нош ик витиськом тӥледыз».
Фото: соцсети Ирина Минлиаскарова