+24 °С
Зоръёслэн
Лулчеберет
29 апрель 2024, 05:04
Вязовкаын благотворительной концерт ортчиз
Башкортостанысь удмуртъёслэн национально-культурной центрзы нимысьтыз военной операцие пыриськись пиослы юрттон ужзэ азинтэ.
Вязовкаын благотворительной концерт ортчиз
28-тӥ апреле Татышлы ёросысь Вязовкаын благотворительной концерт ортчиз. Залэ люкаськем калыкез республикаысьтымы Татышлы, Калтасы, Янаул ёросъёсысь, Нефтекамск городысь, Пермь шаерысь Куеда ёросысь кырӟасьёс шулдыртӥзы. Та нуналэ сцена вылысен пӧртэм гуръёс чузъяськизы. Соос пӧлысь куд-огез учкисьёслэсь синкылиоссэс поттӥзы, куд-огез тапыр-тапыр эктон мылкыдзэс бугыртӥзы.
Республикаысь удмуртъёслэн благотворительной концертсы кылем арын кутскиз. 28-тӥ апреле со 10-тӥ ползэ ортчиз. Концерт сярысь пыр-почгес лыдӟыны быгатоды газетмылэн вуоно номерысьтыз.
