"Чакара" фестивалез радъян сярысь вераськизы

26-тӥ оштолэзе Ижевскысь Камсьӧр удмуртъёслэн огазеяськонэнызы кивалтӥсь Ф. А. Чибышева республикаысьтымы удмуртъёсты Янаул ёросысь Шудеке люказ. Татын фестивале дасяськонъя кенешон ортчиз. Отчы БР-ысь удмуртъёслэн национально-культурной центрзылэн филиалъёсыныз, гурт поселениосын, школаосын, ансамбльёсын кивалтӥсьёс люкаськизы. Соос пӧртэм регионъёсысь куноосты пумитан, егитъёслэсь площадказэс радъян но трос мукетыз сярысь вераськизы. «Бадӟым уж борды ӵошен кутсконо, - вераз Флюра Ахметовна. – Озьы гинэ фестивальмес паськыт но чебер ортчытыны, башкир удмуртъёслэсь куно пумитаны быгатэмзэс  возьматыны быгатом». 

Тодады вайытӥськом: «Чакара» фестиваль 28-29-тӥ инвожое ортчоз. 30-тӥ инвожое сое «Элен вӧсь» азинтоз.