Ашальчи Окилы сӥзем ужрадэ вуылӥзы

Нырысетӥ удмурт нылкышно гожъясьлы сӥзем "Семейные ценности в современном мире или что сказала бы бабушка?" форуме Удмурт Элькунысь сяна, Татарстанысь, Пермь шаерысь кышномуртъёс но пыриськизы. Пермь шаерысь Куеда ёросысь Бадӟым Гондырысь, Киргаысь,Кипчакысь культура юртъёсын ужасьёс Милана Фархутдинова, Людмила Сакриева, Екатерина Галимзянова но элькун ужрадэ вуылӥзы. «Форум Можга ёросысь Бадӟым Уча гуртын вань удмуртъёслэн «Удмурт кенеш» ассоциацизылэн но «Удмурт нылкышно кенеш» огазеяськонлэн кичӧлтэмзыя, УР-ысь Йӧскалык политикая министерстволэн юрттэмезъя радъяськиз, – вера Л. Сакриева. – Форум туж кельшиз. Бадӟым Уча гуртысь школаен, отысь музеен, нылпиослэн мультстудиенызы тодматским. Докладъёс мур пуштросо вал. Бадӟым тау ваньзылы, кин ужрадэз радъянэ кужымзэ понӥз».

Форум Семьялэн арез улсын радъяськиз. Со А. Оки нимо йӧскалык премиез сётонэн йылпумъяськиз. Туэ премилэн лауреатъёсыз луизы медицина наукаосъя кандидат, эмчи Елена Ботникова но УдГУ-лэн Можгаысь филиалэныз кивалтӥсь, филологи наукаосъя кандидат Татьяна Кибардина.

Фото:Большегондырский Дом Культуры