Удмурт шӧмен пыӵам ӝыт

Та выллем конкурсэ Мамады гуртын улӥсьёс но пыриськизы. Соос гуртысьтызы клубазы ӝыт пуконэз возьматӥзы. «Мылкыдо ӝыт» фольклор ужрадазы быдэс гуртэнызы дасяськизы шуид ке но, уд янгыша, дыр. Со нуналэ Мамады гуртысь клуб зэмос вашкала удмурт коркалы тупаз. Кышномуртъёс киужъёсын выремзэс возьматӥзы, воргоронъёс соосты шулдыртӥзы,  серекъятӥзы. Со сяна, ужрадэ люкаськемъёс  удмурт шудонъёсты но тодазы вайизы. Нош Риф Галихановлэн шулдыр арган гуръёсыз пукон ӝытэз удмурт шӧмен пыӵатӥзы.

Фото: Мамадинский сельский клуб