«Чакара» фестивалез радъян сярысь вераськизы

Нырысь со Ижевскын ортчылӥз, берло сое пӧртэм улосвылъёсын пумитало. 2015-тӥ арын фестиваль Башкортостанын, Чакара гурезь вӧзысь Бадӟым Качак гуртын, ортчиз. Отчы республикаысьтымы сяна, Удмурт Элькунысь, Татарстанысь, Марий Элысь, Киров, Свердловск, Тюмень улосвылъёсысь, Санкт-Петербургысь но Москваысь кырӟасьёс пыриськизы. Тямыс ар ортчыса, «Чакара» фестиваль выльысь асьмелэн республикаямы берытске. Туэ со 29-тӥ инвожое Янаул городысь сабантуй возь вылын ортчоз. Та нуналъёсы Янаул ёрос администрациын сое радъян пумысен кенешон ортчиз. Отчы ёрос администрациен кивалтӥсь Салават Гильмиев, Камсьӧр удмуртъёслэн огазеяськонэнызы кивалтӥсь Флюра Чибышева, Башкортостанысь удмуртъёслэн национально-культурной центрзылэн Янаул ёросысь филиалэныз кивалтӥсь Юрис Саитов но мукетъёс пыриськизы.  

Туспуктэмез Юрис Саитовлэн.