Бадӟым Качакын благотворительной концерт ортчиз

Кыкетӥ феврале со Калтасы ёросысь Бадӟым Качакын ортчиз. Та нуналэ гуртэ республикаысьтымы Бурай, Татышлы, Янаул, Калтасы ёросъёсысь, Пермь шаерысь Куеда ёросысь кырӟась-эктӥсьёс, крезьгуро инструментъёсын шудӥсьёс люкаськизы. Учкисьёс понна соос чебер концерт возьматӥзы. Зал тыр люкаськем калык котькудзэс сцена вылысь зол кичабонъёсын келяз. Вераны кулэ, концертын республикаысьтымы пӧртэм калыкъёслэн огкылысь луэмзы но соослэн тушмон пумитэ валче султыны дась луэмзы шӧдӥськиз. Угось татчы удмуртъёс гинэ ӧвӧл, Калтасы ёросысь башкиръёслэн, бигеръёслэн , ӟучъёслэн, поръёслэн огазеяськонъёсынызы кивалтӥсьёс но вуэмын вал. Концерт сярысь пыр-почгес лыдӟыны быгатоды газетмылэн вуоно номеръёсысьтыз. Нош али отысь туспуктэмъёсыз учкыны ӵектӥськом.