Концертъёсты шулдырто нылпи садэ ветлӥсьёс

 Соос концертъёсты чебересь кылбуръёсынызы, шулдыр кырӟанъёсынызы узырмыто. Сюлэм шумпотэ, куке соос сцена вылэ чебер удмурт калык дӥськутэнызы пото. Нош та нуналэ ортчем благотворительной концертэз пиналъёс башкир эктонэнызы шулдыртӥзы. «Нылпи садысь пиналъёс ужрадъёслы аспӧртэм шӧм пыӵато. Учкисьёс соосты котьку зол кичабонъёсын но шуныт мылкыдын пумитало», - шуо культура юртын ужасьёс. Вераны кулэ, татысь нылпиос будэмзы бере но сценаен уг люкисько. Соос – гуртысь пинал эктӥсьёслэн «Италмас» ансамбльзылэн вуоноез.