Художественной самодеятельностья конкурсэ эктыны но кырӟаны усточиос пыриськизы. Со кык турен ортчиз – быръён тур но гала-концерт. Вормисьёсты кык ктегориосъя бырйизы: 14-30 аресъёс но 30 ареслэсь бадӟымъёс. Ужрадэз усьтонэ «Газпром трансгаз Уфа» ООО-лэн генеральной директорезлэн персоналэн ужанъя воштӥсез Т. И. Буравова но Татышлы ёрос администрациен кивалтӥсь Ф. Р. Шайхисламов пыриськизы. Соос конкурсантъёслы вормонъёс сӥзизы.
Конкурсэ Вязовкаысь, Выль Татышлыысь, Калмиярысь, Улысь Балтачысь но кырӟасьёс, эктӥсьёс пыриськизы. Нырысетӥвозрастной категориын кыкетӥ интылы кузё луиз Калмиярысь Изабелла Иванова, кыкетӥ возрастной категориын - Улысь Балтачысь Ильяс Шаймиев. Кыкетӥ возрастной категориын ик куинетӥ интылы кузё луиз Вязовкаысь "Ӟеч мылкыд" трио (Венера Камалтдинова, Фирая Туктамышева но Ралия Нуриахметова). Выль Татышлыысь Азалия Николаева эктон ӧрын куинетӥ интыын луиз. Петропавловкаысь Ирина Минлиаскароваез "Лучшее исполнение эстрадной песни" номинациен пусйизы.