«Книга! Спорт! Игра! Ура!»

Соослы дасямын вал «Книга! Спорт! Игра! Ура!» ужрад. Пинал котыр ласянь умой мед будоз шуыса, солы кулэ книгаос лыдӟыны, шудыны, спортэн вырыны: спорт - мугорез кыдатыны, книга - лулпушез узырмытыны, шудон - азинскыны.

Ужрад "Игра-хлопалка" разминкаен кутскиз. «Солнышко» но «Улыбка» командаос пӧртэм конкурсъёс пыр потӥзы, шудонъёсын шудӥзы: «Коробоход», «Газетный бой», «Солнце улыбается», «Батыр», «Кенгурята», “Дальше всех”,” «Пони», «Эхо». «Палочки». Со сяна, пиналъёс мадиськонъёслэсь валэктонъёссэс веразы, книжной эстафетае пыриськизы, яратоно книгаоссэс тодазы ваизы, соос сярысь мадизы. Тунсыко ортчиз "В летней корзинке" викториназы но. Библиотекаын ужась Марина Хисамутдинова  пичи лыдӟисьёссэ выль книгаосын тодматӥз на. Ужрад тунсыко пӧрмиз. Нылпиос трос выльзэ тодӥзы. Берло соос ӵошен арбуз сиизы.