-3 °С
Салкым
Антитеррор
Вань иворъёс
Лулчеберет
14 январь 2023, 11:50

Туэ Герд лыдӟонъёс Кузебай Гердлэн вордскемез дырысен 125 ар тырмон улсын ортчозы

"Удмурт кенеш" арлы быдэ Герд лыдӟонъёс радъя. Туэ удмуртъёслэн дано пиезлэн вордскем дырысеныз 125 тырмиз бере, конференция но со улсын ортчоз.

Туэ Герд лыдӟонъёс Кузебай Гердлэн вордскемез дырысен 125 ар тырмон улсын ортчозы
Туэ Герд лыдӟонъёс Кузебай Гердлэн вордскемез дырысен 125 ар тырмон улсын ортчозы

Со сярысь иворто "Удмурт кенешлэн" Вконтактэ вотэс бамаз. 
Ужрад 21-тӥ тулыспалэ Ижкарысь удмурт театрын ортчоз. Отчы Удмуртиысь но мукет улосвылъёсысь  500 пала мурт пыриськоз. Та нуналэ конференциын трос докладъёс лыдӟозы, адӟытонъёс ужалозы, Кузебай Гердлэн кылбуръёсыз чузъяськозы, конференцилэн кыкетӥ люкетаз спектакль возьматозы.

Со сяна, конференциын Кузебай Герд нимо йӧскалык премиез сётон сӥё-дано ужрад ортчоз. Тодады вайытӥськом, та премилэн лауреатъёсыз луылӥзы Башкортостанысь удмуртъёслэн национально-культурной центренызы кивалтӥсь Ренат Галямшин, Янаул ёросысь удмуртъёслэн азьветлӥсьсы Юрис Саитов. Нош 2020-тӥ арын та ужрад Башкортостанысь Татышлы ёросын ортчиз.

Автор:Анна Байдуллина
Читайте нас: