Кузебай Гердлэн вордскемез дырысен 125 ар тырмоз

14 толшоре 125 ар тырмоз удмурт гожъясьлэн, литератураез эскерисьлэн, кылысь кылэ берыктӥсьлэн, критиклэн, фольклористлэн, этнографлэн, дышетӥсьлэн, крезьгурез эскерисьлэн, мерлыко ужасьлэн Кузебай Гердлэн (Кузьма Павлович Чайников) вордӥськем дырысен. Та котырес лыдпуслы Ижкарын пӧртэм ужрадъёс чакламын. Кузебай Гердлэн вордскем нуналэз татын Удмурт Элькунлэн дано нуналъёсыз пӧлы пыре уго.

Та нуналэ Кузебай Гердлэн синпелетэз доры сяськаос, сюсьтыл понозы, кылбуръёс лыдӟозы. Со сярысь иворто "Удмурт кенеш" мерлыко огазеяськонлэн "Вконтакте" вотэс бамаз.

Кузебай Гердлэсь нимзэ нуллӥсь йӧскалык музейын "Почта России"-лэн Кузебай Гердлэн тусэныз конвертлэн маркаяз нимысьтыз штемпель пуктон ужрад ортчоз. Люкаськемъёс озьы ик "Мон удмурт. Мон - туж шудо" адӟытонэн тодматскыны быгатозы.

Автор:Анна Байдуллина

Читайте нас в

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91