Удмурт Элькунын Ильтимир Байметовлэн вордскемез дырысен 70 ар тырмонэзлы сӥзем педагогической гостиной радъязы

Гостиноез усьтӥз Йӧскалык прессалэн юртэзлэн директорез Зинаида Кирилловна Рябинина, со сяна, куно луыса лыктӥз И.М. Байметовлэн пиез Алексей Ильтимирович Байметов. Ильтимир Минтимирович «Вордскем кыл» журналэн 1991-2014-тӥ аръёсы кивалтӥз. Со вакыт редакциын трос ӟеч сямъёс кылдӥзы. Кылсярысь, лыдӟисьёсын арлы быдэ пӧртэм ужпумъёсъя пумиськонъёс-семинаръёс радъян, нимаз ёросъёслы яке дышетон ужъюртъёслы сӥзем номеръёсты поттон, удмурт кылэз но лулчеберетэз дышетыны юрттӥсь пособиосты дасян.

Ужрадын дано журналистэз буре ваизы, журналлэн азинскемез сярысь вераськизы. Журналлэн кылдэмез дырысен редакциен кусып возем но печатласькем авторъёс, тодосчиос, методистъёс но дышетӥсьёс Илья Михайловичлэн кивалтон вакытысьтыз пӧртэм ужпумъёсты ӝутӥзы, журналлэсь кужмо палъёссэ пусйизы, со вакытлэсь ӵуказе нуналлы инъет луэмзэ эскеризы.