-23 °С
Яркыт
Антитеррор
Вань иворъёс
Лулчеберет
3 ноябрь , 14:10

Гожанъёс «Выжы кыл» фестивале вуылӥзы

Свердловск улосвылын арлы быдэ удмурт фольклорлы сӥзем «Выжы кыл» региональной фестиваль радъяське.

Гожанъёс «Выжы кыл» фестивале вуылӥзы
Гожанъёс «Выжы кыл» фестивале вуылӥзы

Туэ со Дружинино посёлокын ортчиз. Отчы Свердловск улосвылысь кырӟаны усточиос сяна, Пермь шаерысь, Тюменьысь но куноос вуизы. Пермь шаерысь удмуртъёсты возьматӥз Куеда округысь Гожан гуртысь «Пинал сюлэм» удмурт ансамбль.

Ужрадлэз усьтыса вераськиз Дружинино поселенилэн администрациеныз кивалтӥсьлэн воштӥсез М. Ю. Сарсенов. Со фестивале пыриськисьёслы ваньзэ умойзэ сӥзиз, та эшъяськытӥсь ужрадэз азьланяз но радъяно шуыса пусйиз. Уго фестиваль пӧртэм интыосысь удмуртъёсты огазея, со анай кылэз утёнын бадӟым вамыш луэ.

Россиысь устолыкъя но калыкъёслэн чеберлыко кылёсбурзыя ар улсын ортчемужрад котькинлы задор мылкыд кузьмаз, пӧртэм интыосын улӥсь ансамбльёс, самодеятельной артистъёс  пӧлын эшлыко кусыпъёсты юнматӥз.

Фото: Гожанский сельский клуб

 
Автор:Миляуша Булатова
Читайте нас в