-24 °С
Салкым
Антитеррор
Вань иворъёс
Лулчеберет
1 ноябрь , 19:13

Удмурт эктонзэ кыкетӥ интыен дунъязы

Башкортостанысь профессиональной учреждениосысь студентъёс пӧлын «Студенческие встречи-2022» фестиваль ортчиз. Отын пӧртэм удысъёсъя тодон-валан басьтӥсь егитъёс пӧртэм ласянь быгатонлыксэс возьматӥзы.

Удмурт эктонзэ кыкетӥ интыен дунъязы
Удмурт эктонзэ кыкетӥ интыен дунъязы

Фестивале Татышлы ёросысь Калмиярысь Ольга Ахметзянова но пыриськиз. «Таӵе конкурс арлы быдэ радъяське, - вера со. – Туэ 15-тӥ ползэ ортчиз но бадӟым фестивальлы пӧрмиз». Ольга Ахметзянова Выль Татышлысь школаез йылпумъямез бере дышетсконзэ БГМУ-ысь медициная колледжын азинтэ. Та вакытэ ик сое пӧртэм ужрадъёсысь пумитаны луэ. Ольга туж данъяське вордскем кылыныз. Со удмурт кылын чебересь кылбуръёс но гожъя. Соин фестивале удмурт эктонэн пыриськемез пумысен паймонэз ӧвӧл. Вераны кулэ, Ольга Калмиярысь культура юртысь эктонъя «Италмас» ансамбле но ветлӥз. Кивалтӥсьсы Ралия Фархутдинова пиналъёсты сцена вылын асьсэды чебер но оскымон возьыны дышетӥз. Егит ныллэн черодысь вормонэз но ӵошен тыршемзылэн одӥгез емышез луэ. О. Ахметзянова «Студенческие встречи-2022» фестивальын «Эктон» номинациын кыкетӥ интыын луиз.

Автор:Оля Нигаматуллина
Читайте нас в