Ансамбльёс дано нимъёссэс утьыны дасясько

27-тӥ сентябре Вылысь Татышлыысь культура юртын «Соцветие Дружбы» республика фестиваль ортчоз. Отчы ёросысь дано ансамбльёс пыриськозы. Шумпотыса верано, соос пӧлын удмурт коллективъёс но ӧжыт ӧвӧл. Кылсярысь, быдэс республикаямы но солэн палэназ тодмо Выль Татышлыысь «Шулдыр ӝыт», Вязовкаысь «Уӵы ныл», Кызыл-Ярысь «Марӟан», Улысь Балтачысь «Ӧрӟи» калык ансамбльёс. Улысь Балтачысь ик пуньыосын шудӥсьёслэн «Русский сувенир» образцовой ансамбльзы котькуд концертын учкисьёсты шумпоттэ. Духовой оркестр но синмаськымон азинске. Та нуналъёсы соос пӧлысь котькудӥз дано нимзэс утьыны дасясько. Фестиваль бере удмурт гуртъёсысь «калык» но «образцовой» коллективъёслэн лыдзы, оло, йылоз но.  

Тодады вайытӥськом: Башкортостан "Культура" национальной проект быдэстӥське.