Кут сярысь Мадь.
Мынам малпамъя, удмурт калыклэн улоназ кут ритуальной пуштросэн гинэ кутӥське. Малы? Удмурт калык - туж визьмо калык. Солэн ваньбурез аслыз кулэсь пыдкутчан но, сапег но вурыны тырме вал. Удмуртъёс азинскемзыя тужгес вылэ ӝутскем калык. Ӧй вал солэн кураськисьёсыз, лушкаськисьёсыз, даллашон поттӥсьёсыз но. Коркаез огпол но тунгонэн ӵогамын уг луы вал (тазэ мон но но тодӥсько на). Коркан нокин ӧвӧл шуыса возьматэмзы ке потэ, ӵог гинэ поныса кошко вал. Нош кутэз кутӥзы только Быдӟым Вӧсе пырон понна гинэ куриськон-вӧсяськон дыръя. Малы ке шуоно, азьвыл куриськон-вӧсяськонлэсь чылкытлыксэ утён понна Вӧсьын сапеген куриськон -вӧсяськон ортчытӥллямтэ. Со понна гужем куриськыны нимысьтыз лапег кут куталлям. Сӥзьыл куриськон дыръя - галоша кадь. Толалтэ куриськыны ӝужыт кунчиё, шуныт карыса тупатӥллям. Нош котьку нуллон понна кут пыдкутчан луыса кылиз удмуртъёслы чидантэм выт тырытон вакытъёсы.
Туспуктэм редакцилэн архивысьтыз басьтэмын.