Удмурт Элькунысь Национальной музейын 30-тӥ гудырикошконэ "Эхо древних удмуртов" нимаськись выставка усьтӥськиз. Со сӥземын УР-ысь Калык художниклэн Валентин Белыхлэн юбилеезлы. Суредасез ӟечкыланы вуизы тодмо адямиос, эшъёсыз, землякъёсыз но солэн ужъёсыныз тунсыкъяськисьёс.
Адӟытонын - художниклэн "Эхо древних удмуртов" сериысь Национальной музейлэн фондаз утиськись суредъёсыз, аслаз коллекциысьтыз эскизъёсыз но суредъёсыз, Михаил Атамановлэн "Тангыра" книгаезлы эскизъёс но суредъёс. Суредъёс борды археологической, куиськон предметъёс, кылем даурлэн кутсконысьтыз крезьгур инструментъёс тыремын. Выставкае Пушкинской картая но пырыны луоз: https://vmuzey.com/event/vystavka-eho-drevnih-udmurtov
Туспуктэм УР-ысь Национально музейлэн Вконтакте вотэс бамысьтыз басьтэмын.