Ашальчи Окилэн тусбуез чебертоз Ижкарысь юртлэсь борддорзэ

Дзержинской урамысь 87-тӥ номеро юртлэн огпалысьтыз борддорзэ Ашальчи Окилэн тусбуез чебертоз. Борддорысь мурал нимаськись бадӟым суредэз пуктыны кичӧлтон сётӥз Кун Думаысь депутат Лариса Буранова.
Муралэз сӥё-дано усьтонэ трос калык люкаськиз. Со сярысь вера "Удмурт нылкышно кенеш" аслаз Вконтакте вотэс бамаз. "Ужрадысен трос пушез бугыртӥсь кылъёс верамын вал. Трос тау кылъёс Кун Думаысь депутатлы Лариса Бурановалы, угось уж лэсьтӥськиз солэн кичӧлтэмэзъя, сюлмаськемезъя, Удмурт нылкышно кенеш огазеяськонлэн тӧроезлы Елена Миннигараевалы, Ижкар Думаысь председательлы Фарит Губаевлы, "ЖРП №8" управляющей компаниялэн директорезлы Ирина Плигиналы...
Ужрад туж шуныт ортчиз, чузъяськизы кылбурчилэн чуръёсыз, кылъёсызъя гожтэм кырӟанъёс.
Ашальчи Окилэн тусыз Ижысь одӥг коркаез гинэ ӧз чеберты, быдэс Ижкарлы бадӟым кузьым луиз", - шуэмын отын.
Ужрадэз учкыны луоз Даур ТВ -лэн видеотрансляциысьтыз: https://vk.com/wall-63121683_18411
Туспуктэм Наталья Михайловалэн вконтакте вотэс бамысьтыз басьтэмын.