Туэ со 12-13-тӥ августэ Кияса ёросын ортчоз. «Фестиваль удмурт калыкмылэсь культуразэ, фольклорзэ утьыны но азинтыны юрттэ. Со трос калыкез огазе люка, - вера Ижевскысь Камсьӧр удмуртъёслэн огазеяськонэнызы кивалтӥсь Ф. А. Чибышева. – Татчы вуозы Удмуртиысь, Башкортостанысь, Свердловск, Киров улосвылъёсысь, Татарстанысь, Марий Элысь, Москваысь, Санкт-Петербургысь, Томскысь, Нижневартовскысь, Тюменьысь, Челябинскысь, Пермь шаерысь ансамбльёс». Чакара фестиваль туэ 14-тӥ ползэ ортчоз. Отчы республикаысьтымы Бурай, Ермекей, Калтасы, Татышлы но Янаул ёросъёсысь ансамбльёс мыныны дасясько. Нош Пермь шаерысь Куеда ёросэ куинь ансамбльёслы фестивале ӧтён гожтэт вуэмын.