Пичи гуртысь удмурт клуб республика конкурсын вормисьёс пӧлын луиз

Со Башкортостанысь Культурая министерствоен ялэм конкурсэ пыриськиз. Отын вормисьёслы 100 сюрс манетлэсь тросгес коньдон сётӥське. Та нуналъёсы Кушнаренко ёросысь культурая ёзэтэн кивалтӥсь Александр Десяткин со пумысен вотэс бамаз гожтэ: «Тодӥськоды на, луоз, мон Кушнаренко ёросысь Канлыысь клуб БР-ысь Культурая министерствоен ялэм конкурсын вормыса, 100 сюрс манетлэсь тросгес коньдон басьтоз шуыса гожтӥ вал. Клубысь культорганизатор Яник Шаймутдинов висъяськем коньдонэн басьтэм вузъёссэ возьматэ». Коньдон клублэсь материально-технической базазэ юнматыны юрттоз.

Кушнаренко ёросын 2019-тӥ арысен «Культура» национальной проект улсын куинь региональной проектъёс – Культурная среда», «Творческие люди» но «Цифровая культура» - быдэстӥсько. Соос трос пӧртэм ужъёсты быдэстыны юрттӥзы ни.