Удмурт историяя но культурая центр бордысь "Эшъяськон тугоко" нылкышно клуб огазея пӧртэм гуртъёсысь пичиесь клубъёсты. Соос ӵемысь ог-огзы доры куное ветло. Таиз радэ Арибаш гуртысь удмурт кышномуртъёслэн клубзылэн кивалтӥсез Лилия Гараева мукет удмурт гуртъёсысь нылкышно клублэсь ёзчиоссэ аслаз гуртаз ӧтьыны, арибашъёсты соосын тодматыны малпаз. Выль Татышлы, Калмияр, Бальзюга но Майск гуртъёсысь коллегаосыз чебер удмурт дӥськутъёсынызы лыктӥллям. Лилияпай нырысь гуртооссэ лыктэм куноосын тодматӥз. Арибашъёслы вӧсь ортчытыны кужым но капчилык сӥзизы удмурт история но культурая центрысь валтӥсь ӧнерчи, нылкышно клубен кивалтӥсь Ирина Самигулова, БР-ысь удмуртъёслэн БР-ысь НКЦ-лэн кенешезлэн ёзчиез Татьяны Шайбакова. Ӟеч мылкыд кузьмазы шулдыр кырӟанъёсынызы Калмияр гуртысь нылкышно клубе пыриськисьёс, «Инвожо» ансамбльысь апайёс, Выль Татышлыысь Зифина Фархутдинова, апаен сузэръёс Светлана Сабанчина но Гулина Младова, Индира Шайсламова но Жюлиана Иванова, Ирина Минлиаскарова. Концертэн ӵош площадкаын нылпиослы шудонъёс ортчизы.