Нефтекамскысь историко-краеведческой музейын выжыосын тодматсконлы сӥзем ужрад ортчиз. Та ужрад арлы быдэ радъяське. Туэ со Россиысьь устолыкъя но калыкъёслэн чеберлыко кылёсбурзыя арлы сӥземын вал. Отчы ньыль семьяос пыриськизы. Соос пӧлын удмурт семья но луиз: Зайдуллинъёслэн выжыоссы Янаул ёросысь потэмын. Шумпотымон, ужрадэ пичиос но пырисько шуыса. Соос асьсэ выжыенызы тунсыкъясько, со сярысь пыр-паоч вераны быгато. Кылсярысь, Элеонора но Даниил Зайдуллинъёс асьсэ выжыписпузэс быгатыса возьматӥзы. Соос удмурт кырӟанэз но быдэстӥзы. Соослы юрттӥськиз «Выжы-кум» удмурт ансамбле пыриськись Фируза Фаизова.
Ужрадэ Общественной палаталэн Кенешезлэн ёзчиез Айдар Ахмедьянов но пыриськиз. Со вераз: «Присутствуя на столь важном и благородном мероприятии, слушая участников единого процесса, каждый из нас получил частицу морального, нравственного удовлетворения для своих духовных потребностей, для этнического понимания». Музейлэн директорез Галина Копьёва ужрадэ пыриськисьёсты дипломъёсын нокузьымъёсын пусйиз.
Ужрад сярысь ивотэ Нефтекамскысь историко-краеведческой музей
Фото: