Арганчиос калык гуръёсты шудӥзы

Со «КЛУБ,ok XXI века» республика конкурс улсын радъяськиз.  Отын Гран-при Вязовкаысь Данил Камалтдинов но Буль-Кайпанысь калык инструментъёсъя ансамбль утӥзы.

Нош нырысетӥ степенё диплом басьтӥсьёс пӧлын Вылысь Татышлыысь И. Миннигараев луиз. Выль Татышлыысь пинал арганчиослэн Родион Рафиковлэн но Никита Шартдиновлэн дуэтсы кыкетӥ степенё дипломен пусъемын. Улысь Балтач гурт поселение тальянка лэсьтӥсез, Татышлы ёросысь Утар-Елгаын будэм Зидияр Мухаяровез буре вайыса конкурсэ нимысьтыз кузьым дасяз. Сое калык гуръёсты тужгес усто быдэстӥсь Данил Камалтдинов басьтӥз.