Сцена вылын кенъёс но кенакъёс шудӥзы

Туннэ Вылысь Татышлыысь культура юртлэн сцена вылысьтыз Калмиярысь «Вуюись» театрез учкыны луиз. Соос М. Державиналэсь «Кенъёс но кенакъёс» пьесазэ возьматӥзы. Отын анайёслэн но кенъёслэн кусыпъёссы, гурт улон, анай кылэз утён яркыт возьматэмын. Пьесаын кенъёс но кенакъёс ог-огзэс «сӥсъяло» ке но, шӧдӥське, соосты нылпиоссэс будэтон, юрт котырысь ужъёсты быдэстон огазея шуыса.

Сцена вылын быгатыса шудӥзы Индира Шайсламова, Ирина Минлиаскарова, Татьяна Шарафутдинова, Наиля Арсланова, Елена Байрамшина, Дина Ибраева, Марина Каймуллина но Александр Гийбатов.