Фольклор коллективъёс "Драгоценные россыпи" фестивале пыриськозы

Туэ куноосты 16-тӥ апреле Татышлы ёросысь Улысь Балтач гуртысь культура юртын пумиталозы. Фестивалез ортчытон сярысь сюлмасько Татышлы ёрос администрация, Башкортостанысь удмуртъёслэн национально-культурной центрзы но Татышлы ёросысь культурая управление.

Фестивальын учкисьёс удмурт калыклэсь сям-йылолъёссэ, осконъёссэ, шудонъёссэ тодазы вайыны быгатозы. Нош кинъёс ке соосты нырысьсэ учкозы.  "Фестивале шумпотыса пыриськомы, - вера Пермь шаерысь Куеда ёросысь Кипчакысь "Зангари" ансамбле ветлӥсь Анфиса Ахматгалиева. - Со асьме калыкмылэсь лулчеберетмес, сям-йылолъёсмес утьыны юрттэ".